Vai a sottomenu e altri contenuti

Bacheca

Servìtziu Linguìsticu Territoriale - Ufìtziu Limba Sarda Servìtziu Linguìsticu Territoriale - Ufìtziu Limba Sarda


S'ufìtziu at a èssere abertu a su pùblicu cada lunis
08.30-10.30

_________________________________________________________________________________________________________________

_________________________________________________________________________________________________________________

_________________________________________________________________________________________________________________

Limbas de Sardigna e polìticas linguìsticas Limbas de Sardigna e polìticas linguìsticas

Su 21 de santandria s'Ufìtziu de sa Limba Sarda de sa Provìntzia de Nùgoro at ammanitzadu in sa Comuna de Lodè un'adòbiu subra sas ''Limbas de Sardigna e polìtica linguìstica''. Su cunvegnu at comintzadu cun s'anàlisi de prof. Bachis Bandinu chi at mentovadu s'importu mannu de sa limba sarda in sa sotziedade sarda e pro sa cultura sarda, narende chi tocat de la faeddare ma mescamente de la iscrìere. E pro arribare a custu devet èssere impreada in cada logu, in sa toponomastica, in sos cartellos de s'istrada, in sas Comunas e in sas iscolas.



S'est a pustis sighidu cun sos interventos de esponentes polìticos: Predu Luisi Caria de a Manca pro s'indipendèntzia, Pedru Pàulu Coronas de s'''Italia dei Valori'', Joyce Mattu dei RossoMori, Riccardo Mura de Progres e Mariantonietta Piga pro su ''Partito Democratico''. Sos interventos de su pùblicu sunt istados paritzos e ant postu chistiones chi pertocant sa limba in diferentes maneras: dae s'iscola a s'universidade, dae a sas leges a sa voluntade polìtica de aère su sardu in cada àmbitu de sa bida, dae sa cultura a una visione moderna de sa limba.

Su cunvegnu at tancadu cun sas respostas de s'On. Milia, Assessore Regionale de sa Pùblica Istrutzione, Benes Culturales, Informatzione, Ispetàculu e Isport, chi ha faeddatu de sos interventos chi s'amministratzione regionale est faghende pro sa limba sarda. A pustis de s'arrèjonu fatu at prumìtidu de bìdere sos operators de isportellu dae como a duas chidas e chi at a fàghere a manera de agatare finantziamentos pro dare sustentamentu a sos Ufìtzios de sa Limba Sarda.

Podides bìdere e sighire su cunvegnu in su giassu:

http://www.ustream.tv/embed/recorded/18666699

torna all'inizio del contenuto
torna all'inizio del contenuto